فـزمان كورونا.. 100 شخص دارو حفلة سرية فـبلاصة ماتجيش على البال

تارودانت الآن الإخبارية
أخبار عامة
100 شخص دارو حفلة سرية فـ بلاصة ماتجيش على البال
100 شخص دارو حفلة سرية فـ بلاصة ماتجيش على البال

ألمانيا مزيرة بزاف في التدابير الإحترازية ضد فيروس كورونا، والبق مايزهق، منها منع الحفلات والاختلاط بين عدد كبير من الناس، باش يالاه تحمي الغالبية من الجائحة بموازاة مع عملية التلقيح المستمرة ف البلاد.

وفي ظل هاد الإجراءات، ناض 100 شخص دارو حفلة بشكل غير قانوني الويكاند الفايت في بلاصة ماطيحش على البال فـ ڤيلاج “أوفرات”، الواقعة بالقرب من مدينة كولونيا الألمانية، والبوليس ضرهم راسهم.

هاد المخالفين مشاو سهرو وضربو الطاسة و عطاوها للنشاط في ممر تحت أرضي كايوصل الطول ديالو 500 متر، باش مايسمعهمش ومايشوفهم حد.

البوليس لقاو البلاصة غير بالصدفة ملي بان ليهم شي دراري حدا القنطرة اللي كتدخل للبلاصة اللي فيها الحفلة، وملي وصلو لقاو عدد من الدراري سكرانين كانو خارجين من نفس الحفلة.

وفاش وقفو هاد الدراري سمعو الموسيقى جاية من الداخل، وتما كانت المفاجأة.

و قال موقع راديو “في دي ار 1” (WDR 1 Radio) أن الشرطة قامت بعملية تفتيش واسعة لتجويف الجسر، حيث عثرت فقط على كميات كبيرة من القمامة بما في ذلك قراعي من البيرة. وقدرت الشرطة عدد الأشخاص الذين احتفلوا في هذا المكان الغريب بأكثر من 100 شخص.

المصدرموقع كود

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة